Бос жұмыс орындарының жәрмеңкесі өтеді

Облыс орталығындағы «Жастар» саябағында 24 мамыр күні сағат 10.00 мен 13.00 аралығында қала және облыс тұрғындары үшін бос жұмыс орындары жәрмеңкесі ұйымдастырылады.

Жұмыс іздеп жүргендер жұмыс берушілермен тікелей тілдесіп, өздерін қызықтырған сауалдарға жауап ала алады.

Жәрмеңкеге келушілерге ұсынылатын қызметтер туралы барлық ақпаратпен ( жалақысы, ары қарай білімін жалғастыру мүмкіндігі, қосымша білім алу, әлеуметтік кепілдік сияқты) жан-жақты танысуына болады.

Өскемендіктер мен қала қонақтарына бос жұмыс орындары және еңбек заңнамасына қатысты барлық сауалдар бойынша кеңес беріледі.

Кәмәл Естай