Биыл ШҚО-да 1200-ден астам бизнес жоба қолдау тапты

Өңірдегі бизнесті қолдауға 22 млрд теңге бағытталып, 1240 бизнес жоба қолдау тапты.

Бұл туралы ШҚО әкімі Ермек Көшербаев халықпен кездесуде айтты, деп хабарлайды Didar ақпарат тілшісі.

Аймақ басшысының айтуынша, жобалардың жартысы Өскеменде жүзеге асырылып жатыр. Бұл ретте облыс орталығындағы бизнес өкілдерінің белсенділігі жоғары.

Кәсіпкерлікті дамытуда әсіресе жастарға ерекше қолдау көрсетілуде. Атап айтсақ, жастарға жеңілдетілген мөлшерлемемен 1 млрд теңгенің екі жүзден астам несиесі берілді.