Бесқарағайда ардагерлерге құрмет көрсетілді
Бесқарағай аудандық Jas Otan Жастар қанатының ұйымдастыруымен «Ардагер time» жобасы ұйымдастырылды.
– Аудан орталығындағы ардагер ұстаздар мен тыл және еңбек ардагерлерінің үйіне қолдау көрсету мақсатында барып, құрмет көрсетіп қайтты. Бұл жоба жастарды патриоттық тәрбиеге және қайырымды болуға шақырады, – деді белсенді Ерсін Мұратханов.
Сонымен қатар ауыл ардагерлерінің үйін тазалап беріп, тәттілер сыйлады, өнегелі өмір жолдарынан әңгіме өрбітті.
– Біз Қазақстан Республикасының жасотандықтары әрқашан үлкенге құрмет, кішіге ізет көрсетуге әзірміз. Бүгінде тұспа-тұс келіп отырған Қазақстан Республикасының Тәуелсіздігіне 30 жыл толуына орай, «30 игі іс» жасаудамыз, – деді Jas Otan Жастар қанатының жергікті жетекшісі Жан Алжанов.
Дәурен Аллабергенұлы