Бәріміз жастарды қолдауымыз керек

«Еліміз тек тұтынушы емес, жаңа дүниені өндіруші ұлт атануы керек». Елордада өткен ұлықтау рәсімінде айтқан Президент Қасым-Жомарт Тоқаевтың осы сөздеріне толық қосыламын.

Расында да, өркениетті ел атану үшін үйренетін ғана емес, өзгеге үйрететін ұлт болуымыз керек. Сондай-ақ тек тұтынып қана қоймай, жаңа дүниені өндіруге де тиіспіз. Оған жастарымыздың әлеуеті, қарым-қабілеті жетеді деп сенемін.

Сонымен қатар Президент жастардың білім алуына ерекше назар аудару керек екенін атап өтті. Бүгінгі жастар ұшқыр, зерек. Жастарға бәріміз де сенеміз. Сеніп қана қоймай, шын мәнінде оларға қолдау көрсетуіміз шарт. Президент бәрімізге осыны міндеттеді.

Өйткені білімді ұрпақ қана елімізді жарқын болашаққа бастайды. Алайда жастар жетістікке жету үшін көп еңбектенуі керек. Өздері де жаңа білім алуға, мол тәжірибе жинауға ұмтылуы тиіс. Екі жақтап жастарымызды өз кәсібінің хас шеберлеріне айналдыра аламыз. Өз ісінің маманы әрдайым сұранысқа да ие болады, қоғамда да сый-құрметке ие болады. Президент айтқандай, «осылай өмір сүрген адам ешқашан, ештеңеден ұтылмайды».

Арайлым Есімбекова, Amanat партиясы Өскемен қалалық филиалының атқарушы хатшысы