Азия чемпионы атанды
Аягөз спорт мектебінің түлегі Досжан Картиков Тайландта өткен Азия чемпионатында грек-рим күресінен 75 келі салмақ дәрежесінде алтын медальды жеңіп алды. Шешуші айқаста ол өзбек Дильшоджон Турдиевті 4:0 есебімен тізе бүктіріп, Қазақстанның көк байрағын желбіретті. Жеңіс тұғырына жеткенге дейін жерлесіміз тайпейлік Вен-Сун Линді 12: 2, ¼ финалда түркімен балуаны Шермет Перменовты 8:0, жартылай финалда Раям Абдел Салехты 6: 4 есебімен жеңген болатын.
2015 жылғы Әлем чемпионатының қола жүлдегері, жасөспірімдер арасындағы әлемдік сайыстардың, Әлем кубогының жүлдегері, Президент кубогының, Дейв Шульц мемориалының, Испания Гран-приінің жеңімпазы, жерлесіміз Досжан Картиков 2015 жылы Лас-Вегаста өткен Әлем чемпионатында олимпиада лицензиясын жеңіп алған-ды.
Тайландта өтіп жатқан Азия чемпионаты 21 ақпанға дейін жалғасады.
Берікжан Тайжігіт
Аягөз ауданы.
