Қай күндері сабақ болмайды?

Облыстық білім беру департаменті жақында мектеп оқушылары мен колледж студенттеріне аязды күндері сабақ ұйымдастыру туралы жаңа бұйрыққа қол қойды.

Бұйрық бойынша желдің жылдамдығы секундына 2 метрден кем, ауаның температурасы -28 градус болған жағдайда – 1 – 4 сыныптарға; ауаның температурасы -32 градус және одан төмен болғанда – 1 – 9-сыныптарға; ал ауаның температурасы -34 градус және одан төмен болғанда- 1 – 11 сынып оқушылары мен колледждердің 1-2 курс студенттеріне сабақ болмайды.

Ал желдің жылдамдығы секундына 2 метрден артық, ауаның температурасы -23 градус болған жағдайда – 1 – 4 сыныптарға; ауаның температурасы -27 градус және одан төмен болғанда – 1 – 9-сыныптарға; ал ауаның температурасы -29 градус және одан төмен болғанда – 1 – 11 сыныптар мен колледждердің 1-2 курс студенттеріне сабақ болмайды.

Ауа райының қолайсыздығы жайында төтенше ақпаратты ШҚО ТЖД-ның vkogps.kz ресми сайтынан алуға болады.

Тілеукен Тілеубердіұлы