Астанада Шығыс Қазақстанның күндері басталды
![Астанада Шығыс Қазақстанның күндері басталды Астанада Шығыс Қазақстанның күндері басталды](http://didar-gazeti.kz/uploads/posts/2016-10/1475844478__dsc7102-kz.jpg)
Бүгін Астанада ел Тәуелсіздігінің 25 жылдығына орайластырылған «Қуатты өңір – қуатты Қазақстан» акциясы аясында Шығыс Қазақстан облысының күндері өтіп жатыр. Осыған орай кеше Астанадағы Орталық коммуникациялар қызметінде облыс әкімінің орынбасары Жақсылық Омар бастаған шығысқазақстандық делегация өкілдері брифинг өткізді.
![Астанада Шығыс Қазақстанның күндері басталды Астанада Шығыс Қазақстанның күндері басталды](http://didar-gazeti.kz/uploads/posts/2016-10/1475844482__dsc7136-kz.jpg)
Брифинг барысында облыс әкімінің орынбасары 8 қазан күні ұйымдастырылатын ауыл шаруашылығы өнімдерінің жәрмеңкесі, мәдени, спорттық шаралар туралы баяндады.
-Жәрмеңкеде елорда тұрғындарына 300 тоннаға жуық түрлі ауыл шаруашылық өнімдері ұсынылатын болады. Жәрмеңкеге Шығыстан 42 тонна жылқы, 8 тонна құс еті, 10 тонна сүт өнімдері, 7 тонна шұжық және консерві өнімдері, 40 тонна бал, 10 тонна өсімдік майы, 6 тонна қарамұқ пен осынша тонна қымыз, 8 тонна ұлттық тағамдар, 107 тонна картоп пен көкөністер, 55 тонна бақша дақылдары, 11 тонна балық, 2 тонна панты өнімдері мен балқарағай жаңғақтарын әкелдік, – деді облыс әкімінің орынбасары Жақсылық Омар.
(Облыстың Астанадағы күндері туралы толық материалды газетіміздің келесі нөмірінен оқитын боласыздар)
Айна Ескенқызы