Аманатқа адал болу – қасиетті парыз
Астанадағы Тәуелсіздік сарайында Қазақстан Президенті Қасым-Жомарт Тоқаевты салтанатты ұлықтау рәсімі өтті. Мемлекеттік Ту мен Президент Байрағы, сондай-ақ Қазақстан Республикасының Конституциясы Тәуелсіздік сарайының Үлкен залына әкелінген соң Қазақстан Республикасының Президенті мінберге көтерілді. Конституцияның 42-бабына сәйкес Қасым-Жомарт Тоқаев халыққа ант берді.
Халықтың сенімі нығайды
«Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепілдік беруге, Қазақстан Республикасы Президентінің өзіме жүктелген мəртебелі міндетін адал атқаруға салтанатты түрде ант етемін!», деді Қ.Тоқаев.
Сайланған Қазақстан Президентінің қызметке кірісу құрметіне орай Мемлекеттік Əнұран ойналып, 21 рет зеңбі ректерден оқ атылды. Ал «Ақ орда» резиденциясының үстінде Қа зақ стан Республикасының Мем ле кеттік Туы көтерілді. Орталық сайлау комиссия сының төрағасы Нұрлан Əбді ров Қасым-Жомарт Тоқаевқа Қазақстан Республикасы Президентінің куəлігін тапсырды. Бұдан кейін Мемлекет басшысы сөз сөйледі.
«Биыл халқымыз үшін айрықша маңызды жыл болды. Қазақстан дамудың жаңа дəуіріне қадам басты. Біз түбегейлі бетбұрысқа жол ашқан ауқымды өзгерістер жасадық. Конс титуциялық реформаны жүзеге асыр дық. Мемлекетіміздің ең басты сала ларын жан-жақты жаңғырттық. Соның арқасында халықтың болашаққа деген үміті артып, сенімі нығая түсті.
Мен аймақтарды аралап, тұрғындармен кездескенде бұған айқын көз жеткіздім. Сондай-ақ өткен референдум тың бастамаларды жұртымыздың жаппай қолдайтынын көрсетті. Халықтың дұрыс бағыттағы өзгеріске ұмтылысы жұмысқа зор серпін берді. Біз реформаларды соңына дейін міндетті түрде жеткізуіміз қажет. Конституцияның жаңа талабына сəйкес бұдан былай Президент жетіжылдық бір мерзімге ғана сайланады. Осылайша, саясаткерлердің жаңа буыны билік басына келе бастайды. Мен осы шешімнің дұрыс болғанына кəміл сенемін», деді Қ.Тоқаев.
Осы орайда, Президент Конституцияға сəйкес билік тармақтары түгел жаңғыртылатынын жеткізді. Осындай жаңа саяси маусымды Президент сайлауы бастап берді. Сайлау науқаны 3 айға жуық уақытқа созылғанын, осы кезеңде еліміздің болашағы туралы түрлі мазмұнды пікірталас болғанын жеткізді. Жұртымыз өз болашағына бейжай қарамайтынын атап өтті.
«Азаматтық қоғамның кемел инсти тутқа айналғаны айқын аңғарылды. Саяси алаңға жаңа тұлғалар шықты. Осылайша, халқымыз 20 қарашада өз таңдауын жасады. Сайлау əділ əрі ашық өтті. Бұл – байқаушылардың, сарапшылар мен журналистердің берген бағасы. Ел-жұрттың белсенділігі ерекше жоғары болды. Кейбір азаматтар бүкіл отбасымен келіп, дауыс берді. Бұл науқан ел мүддесі үшін ұлт болып біріге алатынымызды көрсетті.
Бабаларымыз қай заманда да бірлігін бəрінен биік қойған. Біз ата жолын сақтай білген, заманауи жəне өркениетті ел екенімізді бүкіл дүние жүзіне паш еттік. Бірлігіміздің бекемдігін тағы да дəлелдей алдық. Осы сайлауда жұртымыз маған зор сенім білдірді. Шын мəнінде, ел сенімін еш нəрсемен өлшеу мүмкін емес. Халықтың сенімі – ең құнды нəрсе. Сайлау нəтижесін халқымыздың саяси бағдарыма – бағасы, алдағы жоспарыма батасы деп қабылдаймын.
Халқының қолдауына ие болып, ел тізгінін ұстау – ең биік мəртебе əрі орасан зор жауапкершілік. Алдағы 7 жылды бүгінгі буынның жəне келешек ұрпақтың алдындағы борышымды өтеуге берілген бірегей мүмкіндік деп білемін. Қазақта «аманат» деген асыл ұғым бар. Халқымның сенімі – маған аманат. Осы аманатқа адал болу – мен үшін қасиетті парыз. Ел үмітін ақтап, Қазақстанды өркендеген, бақуатты мемлекетке айналдыру үшін қолымнан келгеннің бəрін жасаймын», деді Қ.Тоқаев.
Мемлекет басшысы сайлауға қатысқан барша жұртқа ризашылығын білдірді. Науқанға атсалысқан қауымға, байқаушылар мен журналистерге зор алғыс айтты. Президенттікке кандидаттарға да құрметін жеткізді. Президенттің пайымдауынша, сайлауда саяси партиялар жəне қоғамдық ұйымдар маңызды сəтте жұдырықтай жұмыла алатынын көрсетті.
«Осы ретте мені президенттікке ортақ кандидат ретінде ұсынған халық коалициясы мүшелеріне рахметімді айтқым келеді. Мен өзіме дауыс берген азаматтардың ғана емес, бүкіл Қазақстан халқының алдында есеп беретін болдым. Қазақта «Байлық не керек, адалдан жимасаң, билік не керек, əділдік құрмасаң» деген сөз бар. Бұл – бұлжытпай ұстанатын өмірлік қағидатым.
Мен бүгін көк туды сүйіп, дана халқым ның алдында бас идім. Азаттық жолында құрбан болған бабалар рухына тағзым еттім. Елімнің арман-мұратына өмір бақи адал болуға серт бердім. Ешқашан адалдықтан аттамауға жəне ел мүддесіне қиянат жасамауға ант еттім. Ата Заңға қолымды қойып, оның əр сөзін мүлтіксіз орындаймын. Халқымның алдындағы осы антым алдағы қызметімде мен үшін айнымас темірқазық болады», деді Қ.Тоқаев.
Мемлекет басшысы сайлауды нағыз патриоттық шараға балады. Азаматтарымыз ел тағдырына бейжай қарамайтынын көрсетті. Бұл əділдік идеясының жəне халықтың ерік-жігерінің салтанат құрғанын, елімізде жан-жақты жаңғырту үдерісі басталғанын білдіреді.
«Сайлау Қазақстандағы электоралды процестің ашықтығы мен əділдігін жаңа деңгейге көтерді. Сондай-ақ біздің қоғамның саяси мəдениеті мен кемелдік дəрежесі жоғары екенін танытты. Халық сайлау учаскелерінде алдағы жеті жылға арналған мемлекетті дамыту бағдарламасына оң баға берді. Маған сенім артқан барша отандасыма шексіз ризашылығымды білдіремін. Президент лауазымында елімізге адал қызмет етуге дайынмын. Бұл – зор абырой əрі үлкен жауапкершілік. Мен үшін мемлекет мүддесі бəрінен биік. Алдағы жеті жылда халықтың зор сенімін ақтау үшін бар күш-жігерімді жұмсаймын.
Енді біздің ортақ мақсатымыз – заң мен тəртіп үстемдік құратын, азаматтардың құқығына лайықты құрмет көрсетілетін əділетті Қазақстанды құру. Қоғамды трансформациялап, Қазақстанды шынайы демократиялық институттары дамыған елге айналдыру үшін ауқымды жұмыс атқаруымыз керек. Сонда ғана ұлттың жаңа сапасын қалыптастырып, қастерлі тəуелсіздігімізді нығайтамыз.
Қазір біз осы қиын-қыстау жолдың басында тұрмыз. Алдымызда атқаратын жұмыс көп. Əрбір азамат елдің болашағы үшін өз жауапкершілігін сезінуге тиіс. Мемлекеттік саясатымыздың негізгі бағыты – білім беру ісінен бастап индустрияландыруға дейін қоғамның барлық саласын жаңғырту. Еліміздің ұзақ мерзімді экономикалық өсімінің негізін жаңа технологиялар, жоғары еңбек өнімділігі, азаматтардың шығармашылық бастамалары құрайды», деді Президент.
Әділетті мемлекеттің іргетасы
Қ.Тоқаев басты міндет – іскер азаматтарымыздың кəсіпкерлік рухына зиянын тигізетін жасанды кедергілер мен шектеулердің бəрін жою екенін атап көрсетті. Осы орайда, кəсіпкерлер бизнеске жүргізілетін себепсіз тексерулерді біржолата ұмытуы қажет деп тапсырды. Олар тек салық органдарының алдында ғана есеп бермек.
«Мемлекет пен бизнес – сенімді серіктестер. Шағын жəне орта бизнестің дамуына заңсыз кедергі келтіретіндердің бəрі заңға сəйкес қатаң жауапқа тартылады. Біз ауқымды индустрияландыруды, инфрақұрылымдарды салуды жəне жаңғыртуды қолға аламыз. Кең-байтақ еліміздің əр өңірінің дамуына тың серпін беру маңызды. Шынайы заң үстемдігін қамтамасыз етпей, əділетті əрі нарықтық экономиканы құру, жекеменшікті қорғау, бəсекелестікті дамыту, сыбайлас жемқорлықты жою мүмкін емес. Сондықтан заң алдында бəрінің тең болуы – мемлекетіміздің ұзақ мерзімді дамуының негізгі шарты. Барлық мəселе, əсіресе, түйткілді жəне даулы проблемалар конструктивті диалог арқылы, ең алдымен, Парламентте шешілуге тиіс. Алдағы Сенат жəне Мəжіліс сайлауы осы мүмкіндікті береді.
Біз «түрлі көзқарас, бірақ біртұтас ұлт» қағидатын қатаң сақтауымыз керек. Біз «бірлігіміз – əралуандықта» формуласында көрініс тапқан халқымыздың тарихи жетістіктерін жан-жақты еселеуге тиіспіз. Қоғамда араздық туғызатын жəне ұлттың бірлігін бұзатын, түптеп келгенде, мемлекетімізге қарсы бағытталған арандатушылық əрекеттерге қатаң тосқауыл қойылады.
Біз халықтың тілегі мен заман талабына сай тиімді мемлекет құруға міндеттіміз. Бұл – маңызды тарихи міндет. Мем лекеттік қызметке нақты сектордан меритократия жəне ашық бəсекелестік қағидаттарына сай іріктеуден өткен жаңа басқарушы азаматтарды аламыз. Президенттік кадр резервінің мүшелерін белсенді түрде тартамыз. Біздің басты байлығымыз – адам. Сондықтан азаматтардың игілігі үшін барлық жағдайды жасау аса маңызды. Еліміз даму жолында, негізінен, өз күшіне сенеді. Сонымен қатар шетелден тікелей инвестиция тарта отырып, түрлі саладағы халықаралық ынтымақтастықты белсенді түрде дамытады», деді Қ.Тоқаев.
Президент Қазақстан өз ұлттық мүддесін қорғауға бағытталған теңгерімді жəне сындарлы сыртқы саясатын жүзеге асыруды жалғастыратынына назар аударды. Ресеймен, Қытаймен жəне Ор талық Азиядағы бауырлас мемлекеттермен, интеграциялық бірлес тіктер жөніндегі серіктестермен арада ғы өзара тиімді ынтымақтастық пен стра те гиялық əріптестік мəселелері басты назарда болады. АҚШ-пен, Еуропалық одақпен, Азия, Таяу Шығыс жəне Кавказ мемлекеттерімен, сондай-ақ басқа мүдделі елдердің барлығымен көпжақты ынтымақтастықты дамыту үшін бар күш-жігер жұмсалады. Қазақстан қазіргі халықаралық құқық пен БҰҰ Жарғысын берік ұстанатын ел болып қала береді.
«Біз əділетті мемлекет, əділетті экономика жəне əділетті қоғам құрамыз. Осы қағидаттар менің сайлау алдындағы тұғырнамамда нақты көрініс тапты. Мен оның əр сөзіне, əр сөйлеміне терең мəн бердім. Сайлауалды бағдарламам – бұл ұзақ ой-толғау мен ізденістің нəтижесі. Тіпті жүрегімнен шықты десем, артық айтқандық емес. Халықтың бастамаларға қолдау білдіріп, үлкен үміт күтіп отырғанын білемін. Тұғырнаманың əрбір тармағы толық орындалуға тиіс. Мен ол үшін барлық күш-жігерімді жұмсаймын. Осыған байланысты арнайы Жарлыққа қол қоямын. Бұл Жарлық нақты ісшаралардың жүзеге асуын қамтамасыз етеді. Бағдарламаның мүлтіксіз орындалуын жеке бақылауыма аламын.
Қазір – сайлаудағы жеңісті тойлайтын кез емес, аянбай еңбек ететін кез. Сол себепті арқаны кеңге салмай, бірден іске кірісуіміз керек, босаңсуға болмайды. Осы орайда ең алдымен, қолға алатын бірнеше мəселеге арнайы тоқталғым келеді. Мен сайлауалды сөздерімде ауылды өркендету ісіне баса назар аудардым. Бүгінде Қазақстан халқының 40 пайызға жуығы ауылда тұрады. «Ауыл – ел бесігі» деп халқымыз бекер айтқан жоқ. Сондықтан ауылдағы жағдайды жақсарта алмасақ – бəрімізге сын. Сол үшін мен бүгін ауылды дамыту мəселесі туралы Жарлыққа қол қоямын. Осы құжат арқылы Үкіметке ауылды дамытудың 5 жылға арналған нақты жоспарын əзірлеуді тапсырамын. Бұл менің жаңа президенттік мерзімдегі бірінші Жарлығым болады. Үкімет ауылды дамытуға арналған барлық жобаны жүйелі түрде реттеп, жинақтауға тиіс. Содан кейін мақсатты түрде тиімді жұмыс жүргіземіз», деді Қ.Тоқаев.
Келесі маңызды бағыт – əділдікті қалпына келтіріп, елден заңсыз шығарылған барлық активті қайтару болмақ. Бұл үшін Үкімет заңсыз шығарылған капиталды қайтару үшін қажетті рəсімдерді реттейтін заң жобасын əзірлейді. Сонымен қатар заң жобасы əділетсіз баюға жəне активтерді заңсыз шығаруға ықпал ететін себептер мен шарттарды жоюға бағытталады. Президенттің пікірінше, қайтарылған барлық қаражат азаматтардың игілігіне жұмсалуға тиіс. Бұл қаржыны жоғары технологиялы өндіріс орындарын ашуға, мектептер мен ауруханалар салуға, əлеуметтік жобаларды жүзеге асыруға пайдалану керек.
«Тиісті Жарлыққа бүгін қол қоямын. Жақын арада ауқатты кəсіпкерлер халықтың игілігі үшін өздерінің əлеуметтік жауапкершілігін жандандырады деп ойлаймын. Мемлекеттік құрылыста біз «күшті Президент – ықпалды Парламент – есеп беретін Үкімет» формуласын нақты ұстанамыз. Президент сайлауы биліктің барлық негізгі институтын дəйекті түрде жаңғырту үдерісін бастауға жол ашты. Сайлау ауқымды электоралды циклдің бастапқы кезеңі болды.
Біз саяси жаңғыру үдерісін жоспарлы түрде жалғастырамыз. Бүгін мен «Қазақстан Республикасы Парламенті Сенаты депутаттарының сайлауын тағайындау туралы» Жарлыққа қол қоямын. Осылайша, Жоғарғы палата депутаттарының кезекті сайлауы конституциялық реформаны нақты жүзеге асырудың жалғасы болмақ. Сайлау қорытындысы бойынша Сенаттың депутаттық корпусының бір бөлігі бəсекелестік жəне ашықтық қағидаттары негізінде жаңарады.
Бұдан бөлек, бүгін мен конституциялық реформаны жүзеге асырудың келесі сатысы ретінде «Қазақстан Республикасы Жоғары аудиторлық палатасының кейбір мəселелері туралы» Жарлыққа қол қоямын. Келесі кезең – оны толыққанды трансформациялау. Басқа маңызды əрі өзекті мəселелер бойынша шешімдерді кейінірек жариялаймын. Тағы да қайталап айтамын, алда атқаратын шаруа көп. Бұл – жеңіл жұмыс емес, бірақ елге пайдасы тиетін қызмет. Мен бүкіл мемлекеттік аппараттан осы міндетті абыроймен орындауды талап етемін», деді Президент.
Еңбек адамдарына құрмет көрсетілуге тиіс
Қ.Тоқаев қолынан іс келетін жəне елге беріле қызмет жасайтын азаматтарға ғана ортамызда орын бар екеніне тоқтал ды. Оларға қолдау көрсетіледі, ал қоғам құрметін білдіреді. Осы орайда, халқымыздың нақыл сөзін мысал ете отыра, «Байлық пен мансап – қолға ұстаған мұз, ериді де кетеді. Ал елге жасаған қызмет – артта қалған із, ол ұрпақтан-ұрпаққа жетеді». Осыны əр азамат түсінуі керек», деді.
«Ел мүддесі – бəрінен биік. Мен барлық мемлекеттік қызметшіден өз жұмысын адал атқаруды талап етемін. Бір сөзбен айтсам, кəсібилік, адалдық жəне қарапайымдылық біздің басты қағидаттарымыз болуға тиіс. Қоғамда жаңа құндылықтар орнықтырып, жақсы қасиеттерге ие бола алмасақ, реформаның бəрі бекер. Көк байрағымыз, төлқұжатымыз жəне мемлекеттік тіліміз біздің біртұтас халық екенімізді білдіреді. Бабаларымыз біртұтас ел болып, Еуразия төрін де даңқты шежіресін ат тұяғымен жазған Алтын Орда мен Қазақ хандығы сияқ ты мемлекеттер құрған. Сондай-ақ халқы мыз ел басына күн туған күрделі сəттер де азаттығы үшін арпалысты. Əйгілі хандары мыздың, батырларымыздың жəне ұлт қайраткерлерінің ерлігі – осының айқын көрінісі.
Ұлттың бостандық жолындағы табанды күресінің арқасында Қазақ елі тəуелсіздігін алды. Егемен мемлекеттің құрылуына, оның іргесін бекіту жолында орасан зор еңбек сіңірген тарихи тұлғаларымызға əділ баға беруіміз керек. Табыстарды жəне олқылықтарды ажырататын бұл – уақыт жəне тарих. Уақыт – ең əділ қазы, ал тарих – бəріне таразы. Сондықтан саяси науқаншылдыққа жол бермеуіміз қажет. Біз болашақта əділетті мемлекет боламыз десек, өткенге əділдікпен қарап, одан тағылым ала білуіміз керек. Жақсыдан үйреніп, жаманнан жирену – өсетін елдің белгісі. Отаншылдық, еңбекқорлық, білімпаздық, жаңашылдық, жасампаздық, жанашырлық, мейірімділік сияқты асыл қасиеттерді бойға сіңіруіміз қажет. Мен бұл туралы жиі айтып жүрмін», деді Қ.Тоқаев.
Мемлекет басшысы əділетті Қазақстанда еңбек адамына ерекше құрмет көрсетілуге тиіс екенін жеткізді. Əсіресе ұстаз, дəрігер, тəртіп сақшысы, құтқарушы, жұмысшы, шаруа сияқты мамандардың мəртебесін одан əрі арттыра түсу қажет. Олар еліміздегі ең сыйлы азаматтарға айналуы керек деп мəлімдеді. Осы кəсіп иелері тиісті құрмет пен сыйға ие болғанда ғана, қоғамымыз шынымен жаңаратынын атап өтті.
«Көпшілік қазіргі уақытта нағыз батырлардың жетіспейтінін айтады. Бірақ нағыз қаһармандар жұрттың назарынан тыс жерде. Олар біздің арамызда. Батырлар күн сайын зауыт станогында жұмыс істейді, қоғамдық көлік жүргізеді, ұшақ штурвалына отырады, құтқарушының қорғаныс киімін киеді, науқасқа жедел жəрдем беруге асығады, əскери техниканы меңгереді. Нағыз батырлар балаларымыз бен қарт атааналарымыздың дастарқаны ас-ауқатқа толы болуы үшін ауылда таңмен таласа оянады. Біздің батырлар – өзінің жеке кəсібін бастайтын, жұмыс орындарын ашатын, қызметкерлері мен олардың отбасыларына жаңа мүмкіндіктер тудыратын кəсіпкерлер. Біздің батырлар – өзінің махаббаты мен күш-қуатын, тəжірибесі мен білімін, мүлкі мен қаражатын қоғамға риясыз ұсынатын еріктілер мен игі іс жасайтындар. Олардың барлығы – халықтың мақтанышы əрі үміті. Міне, осындай еңбек адамдары – еліміз бен мемлекетіміздің тірегі.
Біз өркениеттің алғы шебіндегі мемлекетке айналу үшін тек үйренетін емес, өзгеге үйрететін ұлтқа айналуымыз қажет. Сондай-ақ тек тұтынушы емес, жаңа дүниені өндіруші ұлт атануымыз керек. Оған халқымыздың əлеуеті, дарыны, қарым-қабілеті жетеді. Мен біздің жастарымыздың ұшқыр жəне озық ойлы екенін мақтан етемін. Сол себепті Мағжан ақынның «Мен жастарға сенемін» деген сөзін үнемі айтамын. Шын мəнінде, бəріміз жастарымызды қолдауымыз керек. Өйткені өскелең ұрпақ қана елімізді жарқын болашаққа бастайды. Бірақ жастар жетістікке жету үшін көп еңбектенуі керек. Жаңа білім алуға, тың тəжірибе жинауға ұмтылған жөн. Сонда жастарымыз өз кəсібінің хас шебері атанады. Əрдайым сұранысқа ие болады, қоғамда сыйлы болады. Міне, осылай өмір сүрген адам ешқашан, ештеңеден ұтылмайды», деді Қ.Тоқаев.
Мемлекет басшысы сөз бен істің шынайы бағасын тарих таразысы ғана беретініне екпін берді. Ар-ұжданымыздың тазалығы мен халқымыздың құрметі – бəріміз үшін үлкен сый.
«Біз – рухани мұрасы бай, қарқынды даму əлеуеті зор, қуатты əрі өзін-өзі толық қамтамасыз ете алатын ұлтпыз. Шығыстың ұлы ұстазы Əл-Фараби адамдарды əділ болуға, ақиқатты сүюге, арнамысты қастерлеуге, сабырлы болуға жəне қашанда білімге ұмтылуға үндеді. Мемлекеттілігіміздің дамуында қуатты серпіліс жасай алған ұрпақ ретінде тарихта қалуға зор мүмкіндігіміз бар екеніне сенімдімін. Елдің келешегі бізге, барлығымыздың қажырлы еңбегімізге байланысты.
Тəуелсіз елімізді қуатты мемлекет ретінде ұрпаққа аманаттау – біздің борышымыз. Алда талай сынақтар, күрделі кезеңдер болуы мүмкін. Дегенмен ырысты ынтымағымызды сақтай білсек, алынбайтын асу жоқ. Мен бүгін халқымның алдында тұрып, бастаған ісіміз берекелі болсын деп тілеймін.
Қазақ – ырымшыл халық. Мен биыл қасиетті Меккеге барған кезде Қағба төрінде ата-баба рухына құран бағыштап, Алладан бір-ақ нəрсе сұрадым. Ол – елдің амандығы. Шын мəнінде, еліміз аман болса, жеріміз бүтін, бірлігіміз бекем, мемлекеттігіміз мəңгі болады. Осы құндылықтарды мызғымастай етіп бекіту – қазақтың перзенті, Қазақстанның Президенті ретіндегі менің қасиетті парызым. Ашығын айтқанда, қызмет – уақытша, ал халық – мəңгі.
Мен президенттік миссиямды халқым мен бірге алдағы жеті жылда абыроймен атқарып шығамын деп сенемін. Біздің Отанымыз – бір, мемлекетіміз – бір, халқымыз – бір! Сондықтан əрқашан бірге болайық, ағайын! Еліміз өркендей берсін! Отанымыз – Қазақстан Республикасы жасасын! Халқымыз жасасын! Халқымыз əрқашан аман болсын! Тəуелсіз Қазақстанымыз жасасын!», деді Президент.
Cалтанатты ұлықтау рəсімінен кейін Мемлекет басшысы Қасым-Жомарт Тоқаев отандық өнерпаздардың концертін тамашалады.
Роза Бағланова атындағы «Қазақкон церт» сахнасында еліміздің танымал əншілері Роза Рымбаева, Димаш Құдайберген, Рухия Байдүкенова, Алишер Каримов, Біржан Хасанғалиев, Ұшқын Жа малбек, Тамара Асар сондай-ақ «Астана балет» театры, «Contrast», «Terra» би ұжымдары мен тағы басқа мəдениет қай раткерлері өнер көрсетті.
Абай АСАНКЕЛДІҰЛЫ
(«Egemen Qazaqstan» газеті, 28 қараша 2022 жыл).
