Алғыс хат тапсырып, құрмет көрсетті
Кеше облыс әкімі Даниал АХМЕТОВ Қазақстан мұсылмандары діни басқармасының Өскемен өңірі бойынша өкіл имамы, Халифа Алтай атындағы облыстық мешіттің бас имамы болып төрт жылдан артық уақыт қызмет атқарған Нұрлан қажы Асановқа алғыс хат тапсырды.
Қызмет барысымен еліміздің өзге өңіріне имамдыққа ауысқан Нұрлан Байжігітұлын шығарып салу салтанатына Өскемен және Семей епархиясының дін басылары, этномәдени бірлестіктердің өкілдері және басқалар қатысты. Алқалы жиында бұрынғы бас имамның аймағымызда атқарған еңбектері атап өтіліп, тиісті сый-құрмет көрсетілді.
Сонымен қатар аймақ басшысы қызметіне енді ғана кіріскен ҚМДБ-ның Өскемен өңірі бойынша өкіл имамы, Халифа Алтай атындағы облыстық мешіттің бас имамы Ермек Мұқатайға елдің игілігі їшін атқарар алдағы жұмысына сәттілік тіледі.
Серік Әбілхан
