Қала көшелерін жөндеуге қаржы бөлінді

Зырян қаласы көшелерінің жолын жөндеуге биыл 39 млн. 83 мың теңге қарастырылып отыр.
Аудандық мәслихатттың хатшысы Лариса Гречушникованың айтуынша, бұл қаржының бәрі аудандық бюджеттен бөлінгелі отыр. Аудан орталығындағы жолдардың жай-күйін анықтаған мәслихат депутаттары қай көшенің шұңқыры жамалып, қай көшеге жөндеу жүргізу қажеттігін өздері шешкен.
– Республикалық бюджет шығындарын қысқартуға байланысты биыл моноқалалар бағдарламасы бойынша Зырян қаласының жолдарын жөндеуге мемлекет қазынасынан қаржы бөлінген жоқ. Алайда, қала көшелерінің жағдайы өте нашар, сондықтан аудан бюджетінен арнайы қаржы бөлінгелі отыр, – дейді аудандық мәслихаттың хатшысы.

Жанаргүл Мұқатай