Актриса сериалдан неге кетті?

Көрерменнің көзайымына айналған түріктің «Сүлеймен сұлтан» сериалын білмейтін адам жоқ шығар. Сериалға көрік беріп, қызықты ете түскен – Хүррем сұлтан.

Осы рөлді Мерием Үзерлі аяғына дейін болмаса да, керемет ойнап шықты. Алайда жартысына келгенде актриса ажарынан айырыла бастаған болатын. Себебін ешкім анық айта алмады, ал көпшілік бұрынғы сұлу Мериемді көргісі келді.

Шынтуайтында, актриса өз рөліне барынша беріліп, психологиялық тұрғыдан қатты шаршаған екен. Эмоциялық күйзеліске душар болып, тез қартая бастаған. Сондықтан оның орнына басқа актриса алынды. Жобадан кету себебін Мериемнің өзі де: «Рөлімді мінсіз ойнауға тырысқаным сонша, қажып кеттім, өзімді робот сияқты сезіне бастадым» деп түсіндіріпті.

«Сүлеймен сұлтаннан» кейін әйгілі болған Үзерлі әлі де өз карьерасын жалғастыруда.

Мадина Болатханова,

студент