Абайдың болыс болғанын растайтын құжат табылды

Семейде Абайға қатысты тың мәліметтер жалпақ жұртқа жария етілді. Ресейдің Омбы мұрағатынан ұлы ақынның Шыңғыс болыстығына басшы болып сайланғанын растайтын құжат табылды. Бұл жайында Абай қорық-мұражайының мамандары мәлім етті.
Жалпы, Абайдың болыстыққа сайланғанын бұл құжат табылғанға дейін де жұртшылық білетін еді. Өйткені, бұған қатысты ақпар ұлы ойшылдың туыстарының естелігінде жазылған. Алайда, мұны растайтын нақты құжатты ешкім көрмеген. 121 жылдан кейін табылған құжат барлық жорамалды сейілтіп отыр.
– Мұхтар Әуезов айтқандай, Абайдың болыс болғандығын тағы 3 жылға ұлғайтып, 15 жыл болыс болды деген деректі нақты бұйрықтық негізде тауып отырмыз, – дейді Абай қорық-мұражайының директоры Жандос Әубәкір.

Шығыс-Ақпарат