Ағайынды жігіттер марапатқа ие болды

Облыстық төтенше жағдайлар департаментінің басшылығы үш балықшының өмірін құтқарып қалған Құлынжон ауылының тұрғындары, ағайынды Петровтарды «Ерлігі үшін» медальдарымен марапаттады.
Департаменттің баспасөз қызметі хабарлағандай, 26 жастағы Вадим мен 25 жастағы Валерий Петровтар Бұқтырма су қоймасында балық аулап жүрген кезде қайықтары аударылып қалған үш адамды суға батып кетуден құтқарды. Бұл оқиға биылғы қазан айында орын алған.
«Бұл кезде Бұқтырманың суы ерекше суық болады. Адамның қаза табуына суық суда 3-4 минут болу да жеткілікті. Сол күні жергілікті «Кузьмич» ЖШС балық аулау фирмасының жұмысшылары, ағайынды Петровтар көл жақтан көмек сұраған дауысты естиді. Содан дереу қайықтарына мініп, суға шыққан олар көп ұзамай бірінші балықшыны құтқарады. Сјлден соң қамыс арасынан қалған екі балықшыны тауып, оларға да көмек көрсетеді. Құтқарылған адамдардың жағдайлары нашар болғандықтан, Вадим мен Валерий жағаға шыға салысымен оларға алғашқы медициналық жјрдем көрсеткен, осының арқасында зардап шеккендерді ажалдан арашалап қалған» делінген хабарламада.
Артынша Самар ауылындағы ауруханаға жеткізілген балықшылар бірнеше күннен кейін медициналық мекемеден сауығып шығыпты.
Бұл оқиға жайында білген еліміздің ІІМ ТЖК жјне облыстық ТЖД ағайынды жігіттердің ерлігін елеусіз қалдырмады. Үш балықшының өмірін құтқарып қалған Петровтарды марапаттауға арналған салтанатты жиында облыстық ТЖД бастығы Руслан Нұрбатшанов Вадим мен Валерийге алғыс айта келе, оларды Ішкі істер министрлігінің атынан «Ерлігі үшін» медальдарымен марапаттады.

Шығыс-Ақпарат