Жәрдемақы кімдерге тағайындалады?

– Елімізде мүгедектігі бойынша жәрдемақы кімдерге тағайындалады?

 Бақытжан Қайсарова Катонқарағай ауданы.

Сіздің сауалыңызға «Азаматтарға арналған үкімет» коммерциялық емес акционерлік қоғамының Шығыс Қазақстан облысы бойынша филиалының директоры Азамат Есембулов  жауап берді:

– Мүгедектігі бойынша жәрдемақы ел аумағында тұрақты тұратын мынадай санаттағы ел азаматтарына тағайындалады:

• Жалпы ауру, жұмыс барысында мертігу, кәсіптік аурудан мүгедек болған аурулар;
• Жеті жасқа дейінгі мүгедек балалар;
• 7-ден 18 жасқа дейінгі бірінші, екінші және үшінші топтағы мүгедек балалар;
• Бала кезінен мүгедек адамдар;
• Мерзімді қызметтегі әскери қызметшілер қатарындағы мүгедек адамдар;
• Әскери қызметшілер (мерзімді қызметтегі әскери қызметшілерден басқа), арнаулы мемлекеттік органдардың қызметкерлері, ішкі істер органдарының және Қазақстан Республикасының бұрынғы Мемлекеттік тергеу комитетінің басшы және қатардағы құрамының адамдары қатарындағы мүгедек адамдар;
• Төтенше экологиялық жағдайлар, оның ішінде ядролық жарылыстар мен сынақтар жүргізу кезіндегі радиациялық әсер ету және олардың салдарынан мүгедек болған адамдар.